Gagauzlar icin isliar ayozlu hem pak ellian yapilsin liaazim
24.05.2007 г.
Image 2006-cı yılda Kişinêudakı “Pontos” basım evindä hazırlanan hem “Tipografia Centrală” tipografiyasında basılan, kabında “ПЕРВЫЙ ВСЕМИРНЫЙ КОНГРЕСС ГАГАУЗОВ” yazılı olan, kiyat geçennerdä elimä geçti. Bölä gözäl, süslü-püslü olan kiyat ilktän pek sevindirdi. Bu sevinçlerimä komrattan birliktä gelän gagauz bilim adamnarı martur. Ama kiyatlan derindän tanışmaa başladıynan çok işlerä şaşmaa başladım, çok işleri fasıl buldum, kimi yalancılaa da şaştım.

 İlkin – kiyatta iki ad var. Birisini kabında. İkincisi da haliz adı – Всемирный Конгресс Гагаузов с международным участием (1;2006; Кишинэу). Материалы Первого всемирный Конгресса Гагаузов с международным участием / coord: Stepan Bulgaru.

 İkinci – dokladlar iki dildä tiparlı rusça hem gagauzça. Angı dildä nasaat edennär lafettilär, rusça mı osa gagauzça mı, kiyatta belli diil. Bu yapıldı bekim onun için, ani gelecektä saklamaa, ani Dünnä gagauzların birinci kongresi rus dilindä oldu?!

 Üçüncü – Kongres için gazetalarda yazılar. Kiyada toplanılmış sade rus gazetalarında rusça yazılı olan statyalar. Statyalar parçalanmış verili. Kiyadı hazırlayan kişinin tarafından sevilmeyän insannarın Kongress için açıklamaları statylardan çıkarılmış.

 Dünnä gagauzların birinci kongresi için GAGAUZ DİLİNDÄ yazılı olan hem “Ana Sözü” gazetasının (“AS” No: 7(494), 27.07.2006 y.) bir sayısını BÜTÜNNÄ kaplayan “DÜNNÄ GAGAUZLARIN I-ci KONGRESİ” statya kiyatta, diil ani tiparlansın, ama hiç anılmêêr da.

 Bu neçin yapılı bileriz: kiyadı hazırlayan, kendisini türkçä konuşan grek sayan Stefanos BULGARUya GAGAUZ DİLİ HİÇ DİİL LÄÄZIM?

 Bir iş isteerim: herliim bir büük hem ayozlu iş gagauzlar için yapılırsa, o iş ayozlu hep pak ellän yapılsın.

Todur Zanet “Ana Sözü”

 

 

Hits: 511
Комментарии (0)add
Вы должны авторизоваться, чтобы добавлять комментарии. Пожалуйста, зарегистрируйтесь.

busy
 
« Пред.   След. »