|
 Taa doorusu bu sud artık onbeş yıl hiç bitmeer. Bitmeer, zerä Moldovada kuvettä bulunan kişilär prost edämeerlär İvan BURGUCUya onu, ani Gagauz devletliinin, Gagauz Respublikasının, Gagauz askerinin kurmasında o en önemli, en büük rolü aldı.
Türlü sebeplär bulêrlar, ani onu kapana atmaa. Son kerä onu kabaatlı bulduydular onda, ani, Gagauziya Başkanının emirinä görä, Gagauziyada Referendumu engelledi. Unutmayın: hep o kabaat için ozamankı Gagauziya Başkanı D.KROYTORu ªveyşariyaya Büükelçi yolladılar, İ. BURGUCUyu da kapana attılar. Şindi da İ. BURGUCUyu "bücettän para alınmasında" kabaatlı bulêrlar. O, Gagauziya Başkanı seçimnerinin II-ci turunundan, 2006-cı yılın Kırım ayın (dekabri) 17-dän beeri kapalı durêr. Sudun çeketmä günneri hep diişiler. Şindi sudun başlanması bu ayın 28-dä beklener. İvan BURGUCUyu kabaatlı bulmaa deyni Gagauziya İspolkomu onu suda versin lääzım, ama, İspolkomun açıkla-masına görä, onun İ. BURGUCUya pretenziyası yok. Demeli kabaat ta yok. Son haberlerä görä İvan BURGUCUnun saalık durumu pek prost. Korku var, ani, saalık beterinä, o sudun sonuna kadar var nicä etişmesin. Artık on yıldan zeedä gagauzların devleti da var, Gagauziya da çoktan tanındı, Gagauz askerinin erinä Moldova askeri da geldi, ama İvan BURGUCUya deyni bundan fayda hiç yok. O gagauzlar için hep zeet içindä bulunêr. Todur Zanet “Ana Sözü”
 |
RSS feed Comments
Показать/скрыть комментарии