Тюрк дюнняси булушту PDF  | Печать |
Рейтинг: / 2
ХудшаяЛучшая 
21.02.2014 г.


TÜRK DÜNNÄSI ESKİŞEHİRDÄ BULUŞTU

Küçük ayın 16-18-i Eskişehirdä (Türkiye) VI. Türk Dünnäsı Edebiyat Dergileri kongresi geçirildi. Buraya 15 devlettän türklär katıldı: Azerbaycan, Kazakistan, Kırgızistan, Türkmenistan, Özbekistan, Tataristan, Krım, Karaçay-Balkar, Gagauz Yeri hem b.

Gagauziyadan "Ana sözü" gazetasının redaktoru Todur Zanet hem Avrasya Yazarlar Birliin azası Dr. Güllü Karanfil katıldı.

Dergi redaktorları kendi dergileri için bilgilär verdi. Türk dünnäsının arasında dirlik hem dostluk duygusunu yaşatmak için, kardaş literatura örneklerini bir-birilerinin özel dergi sayılarında tiparlamaa karar verildi.

Bu Kongres "Dildä, iştä, fikirdä birlik" lozungunun saabi Krımlı yazıcı İsmail Gaspıralının ölümünün 100-ü yıldönümünä adandı. UNESCO tarafından 2014-cü yıl İsmail Gaspıralı yılı adlandırıldı.

2014-cü yılın edebiyat adamı Kıbrıs Yazıcısı İsmail Bozkurt seçildi. Adetä görä, bu seçilmiş yazıcının yaratmaları türlü türk dillerinä çevirlecek hem çeşitli dergilerdä tiparlanacek .

2013 yılın edebiyat adamı Kazak yazıcısı Tölen Abdikti.

Hep burada Türk Dünnäsı yazarlar birlii kuruldu. Birliin dönem başkanı Azerbaycanın tanınmış yazıcısı Anar seçildi. VII Türk Dünnäsı Edebiyat Degileri kongresi Kazan kasabasında geçirilecek.

Küçük ayın 19-21-i Türk dünnäsından gelän musaafirlär İsparta kasabasına götürüldü. Orada Suleyman Demirel Universitetindä üürenicilär şairlerlän buluştu, konuşmalar yapıldı.

Bu Kongresi hem buluşmayı TÜRKSOY hem Avrasya Yazarlar Birlii düzennedi.

Güllü KARANFİL

Hits: 1797
Комментарии (0)Add Comment

Написать комментарий
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Напишите отображаемые буквы


busy
 
« Пред.   След. »